Furuno LH-5000

Kalltæki (Loud Hailer) Model LH-5000

LH-5000 er mikilvægt öryggistæki þegar vá er fyrir dyrum.  Tækið gagnast til viðvarana, samskipta og samhæfinga.

Tækið er 8 rása, tvö gjallarhorn (Hailers) og 6 hátalarar (Intercomms) og hentar mjög vel þegar samhæfa þarf aðgerðir hvort sem er á stórum skipum eða svæðum í landi.

Þegar tækið er stillt á Sírenu (Siren Mode) þarf aðeins að kveikja á rofa til að senda út viðvörunarhljóð.  Kalla má í báðar áttir, frá tækinu og til baka gegnum gjallarhornin og hátalarana.

Þoka og slæmt skyggni  geta skapað hættuástand til sjós.  Í LH-5000 eru 8 mismunandi viðvörunarhljóð, þ.m.t. sérstök þokuviðvörun sem gerir öðrum skipum viðvart um nálægð eigin skips.  Þetta getur skipt miklu máli og komið í veg fyrir árekstur.

Gjallarhornin og hátalararnir eru með innbyggðum hljóðnemum sem gerir LH-5000 kalltækið að samskiptatæki í báðar áttir.

Rásum tækisins má gefa nýtt nafn ef uppsetningu kerfisins er breytt.

Sérstakur aðvörunarnemi er í LH-5000 sem gerir tækið að almennu aðvörunarkerfi.  Tækið má nota sem innbrotaaðvörunarkerfi.

Með því að tengja LH-5000 við annan búnað, t.d. útvarp eða snjallsíma, og setja það á AUX-stillingu er hægt að spila tónlist o.fl. sem fer um gjallarhornin og hátalarana.