FCV-628 dýptarmælirinn er með hinni nýju RezBoost tækni frá Furuno sem eykur aðgreiningargetu dýptarmæla og tengist við botnstykki með þröngu tíðnisviði (Narrowband transducer). Mælirinn er einnig með ACCU-FISH tækni Furuno sem gefur upplýsingar um stærð fiska. Sjá nánar um RezBoost og ACCU-FISH hér að neðan.
Þegar endurvörp berast frá einstökum fiskum birtast á skjánum fiskamerki (Fish mark). Skipstjórnandi velur hvort fiskamerkið birtist sem hringur, rammi eða annað tveggja fisktákna. Fisktáknin birtast í tveimur stærðum, lítið táknar fisk sem er 10 – 49 cm langur, stórt táknar fiska sem eru yfir 50 cm langir. Þegar valið er að nota hring eða ramma sem fiskamerki sést undirliggjandi lóðning á skjánum.
|
Notenda handbók Smelltu á bókina til |
 |
|---|
Þessi mælir er einnig með BDS tækni Furuno sem gefur mikilvægar upplýsingar um gerð botnsins undir skipinu. Sjá meira um BDS hér að neðan.
Hvítlínan (White line function) aðgreinir botnlægan fisk frá botni og gefur einnig vísbendingar um þéttleika fiskitorfa. Einnig er í mælinum “fiskviðvörun” (Fish Alarm function) sem virkar þannig að þegar lóðar á fisk á svæði sem skipstjórnandi hefur fyrirfram afmarkað, heyrist í fiskviðvöruninni og á skjánum birtist sérstakt tákn. Þetta innbyggða viðvörunarkerfi má einnig nota til að láta skipstjórnandann vita um breyttar aðstæður, t.d. um breytt dýpi, um tiltekið dýpi, um sjávarhitastig, botngerð o.fl.
ACCU-FISH er tækni sem Furuno hefur þróað og nýtist frábærlega vel við að ákvarða stærð einstakra fiska í lóðningum. Einn af kostum ACCU-FISH tækninnar er að endurvörp af fiskum eru sjáanleg á dýptarmælinum úr meiri fjarlægð, jafnvel utan af dekki bátsins. Með ACCU-FISH tækninni hefur Furuno skapað sér forskot. Tæknin skilar ótrúlega nákvæmum upplýsingum um stærð einstakra fiska í lóðningum og greinir umsvifalaust hvort um er að ræða einn og einn fisk eða litlar eða stórar torfur. ACCU-FISH birtir fisktákn á skjánum og tölur um lengd fiskanna í sm eða á hve miklu dýpi þeir eru (valkvætt). Í ACCU-FISH tækninni er unnið samtímis með háar og lágar tíðnir og endurvörp af fiskum af öllum tegundum verða aðgreinanleg, skýr og skörp. Þannig auðveldar þessi tækni fiskimönnum að sjá hvort lóðar á þorsk, ýsu, ufsa o.s.frv. ACCU-FISH greinir stærðir fiska frá 10 sm til 199 sm langra, á dýpinu frá 2 til 100 metra.
BDS (Bottom discrimination), eða botngreiningartækni Furuno, vinnur og safnar upplýsingum um sjávarbotninn. Gerð sjávarbotnsins er skipt í fjóra flokka; “Grjót”, “Möl”, “Sandur” og “Leðja”. Allir sjómenn vita að við veiðiskapinn eru upplýsingar um gerð sjávarbotnsins afar mikilvægar. Þessar upplýsingar birtir BDS tæknin í dýptarmælum Furuno með fjölbreytilegum hætti, tölulegum, grafískum o.fl.
FDF (FURUNO Digital Filter) er tækni sem Furuno hefur þróað til að sía eða hreinsa út úr skjámyndinni óhreinindi og fölsk endurvörp. FDF tæknin ásamt Digital Auto Tuning, sem er sjálfvirk stafræn tíðnistilling, gera það að verkum að dýptarmælar Furuno geta á mjög skýran og greinilega hátt, greint einstaka fiska af ótrúlega mikilli nákvæmni.
Hin nýja DSP tækni Furuno (Digital Signal Processing – Stafræn úrvinnsla merkja) lagar stillingar dýptarmælisins að umhverfi og aðstæðum hverju sinni. Þetta á við um styrkstillingu (Gain), STC (Sensitive time control) og sendistyrk. Þá dregur DSP tæknin endurvarpið næst við kjölinn og botnstykkið (Main bang) saman eins og frekast er unnt. Auk þess verður dýptarmælis myndin skýrari og öll aðgreining betri. DSP tæknin lagar sjálfvirkt styrkstillinguna að stærð leitarsvæðisins (Search range). Þannig er púlslengdin gerð víðari/breiðari þegar fiskileitin á sér stað í dýpri sjó og móttökutíðnin gerð þrengri. Endurvörpin verða betri og skýrari á meira dýpi. Þetta kemur sér afar vel við að finna botnlægan fisk þar sem DSP tæknin aðgreinir “óhrein endurvörp” (Noise) af botninum sjálfum frá endurvörpum af fiski sem liggur mjög nærri botninum.
LCD skjáir Furuno með gleryfirborði (Bonded LCD) eru móðuvarðir. Þessi eiginleiki gleryfirborðsins tryggir það að móða kemst ekki inn í skjáinn þrátt fyrir snöggar raka- og hitabreytingar. Tryggt er að ekkert loftrými er til staðar undir gleryfirborðinu og að auki verður skjáskerpan meiri.
Furuno hefur þróað LCD skjátækni sem kalla má sólskinsglampavörn (Polarized Friendly display). Hún virkar þannig að ef notast við sólgleraugu (polarized sunglasses) sést skjámyndin óaðfinnanlega vel þrátt fyrir sólgleraugun, þ.e. hún hverfur ekki (black out). Skipstjórnandinn getur jafnframt fært sig til um brúna og séð vel og greinilega á skjáinn úr öllum áttum.
RezBoost tækni Furuno er árangur nýrrar tækni sem Furuno notar við stafræna úrvinnslu merkja til að ná fram frábærri aðgreiningu endurvarpa, án þess að skipta þurfi um botnstykki. Í RezBoost er notast við stafrænar aðferðir, sem Furuno hefur þróað og á, við úrvinnslu merkja og framsetningu þeirra á dýptarmælis skjánum í allt að 8 sinnum meiri skerpu en menn eiga að venjast í hefðbundnum dýptarmælum. Þetta gerist án þess að skipta þurfi um botnstykkið sem fyrir er (þ.e. venjulegt botnstykki með þröngt tíðnisvið) eða kaupa nýtt breiðbands botnstykki sem getur haft mikinn kostnað í för með sér.Vörulýsing
| Tíðni: | 50-200 kHz | Sendiorka: | 600 W |
| Skjástærð: | 5.7″ | Drægi: | 1200 m |
| Mótun: | CM | Geislafjöldi: | 1 |
| Spenna: | 12-24VDC | Straumtaka: | 1.1 – 0.5 A |
| Ölduleiðrétting: | Nei | FDF: | Já |
| FFS: | Nei | NavNet: | Nei |
| AccuFish: | Já | CHIRP: | Já RezBoost |
| BDS: | Já | DSP: | Já |
PDF Skjöl
| Bæklingur | FCV-628 Bæklingur |
| Leiðarvísir | FCV-628 Leiðarvísir |
| Botnstykki | Listi yfir botnstykki með BDS botngreiningarhæfni |