Furuno BBDS1 dýptarmælir
BBDS1 er blackbox, tveggja tíðna dýptarmælir (50/200 kHz), án skjás og stjórneiningar. Stjórnunin fer fram í TimeZero. BBDS stendur fyrir Blackbox Bottom Discrimination Sounder.
BDS botngreiningar eiginleikinn greinir sjávarbotninn í leðju (leir, mud), sand, möl (gravel) og grjót (berg, rock).
Mælirinn er með afbragðs góðri botnaðgreiningu sem greinir bæði smáfisk og stóran fisk frá botninum.
FDF eiginleikinn (Furuno Digital Filter) aðgreinir smáfisk og stærri fisk með skýrum hætti á skjámyndinni. Þá nýtist þessi eiginleiki við samstillingu sendiorku og móttökustyrks og að draga úr truflunum af völdum endurvarpa stutt frá botnstykkinu (Main bang).
ACCU-FISH eiginleikinn nýtist frábærlega vel við að ákvarða stærð einstakra fiska í lóðningum.
Velja má að hafa mælinn stilltan á 8, 16 eða 64 endurvarpsliti.
Hafa má allt að 8 fasta dýpisskala að 1200 metra dýpi.
Val á milli 600 W og 1000 W sendiorku.
Hljóðviðvaranir og myndrænar viðvaranir vegna dýpis, fiskendurvarpa og sjávarhita (krefst viðeigandi nema)
Velja má milli margra og ólíkra botnstykkja, allt eftir því hvað hentar skipi og veiðiskap.
Mælinn má setja á sjálfvirka siglingastillingu eða fiskistillingu, auk þess er hægt að stilla sendi- og móttökustyrkinn handvirkt.
Sjálfvirkur eiginleiki til að nema fisk og botn á bæði grunnsævi og djúpsævi.
Hvítlína sem aðgreinir botnlægan fisk frá sjávarbotninum.
BBDS1 dýptarmælinn er hægt að nota við bæði TimeZero Professional og TimeZero Navigator
BBDS1 dýptarmælirinn hentar vel til að safna upplýsingum um botngerð og -lögun inn í TimeZero Professional.
ATH! Til að safna upplýsingum og vista þá þarf TimeZero Professional og PBG gagnagrunn.
Tæki sem er framleitt þannig að við það má tengja skjáeiningar frá öðrum framleiðendum sem uppfylla tiltekna staðla. Öll stjórnun er framkvæmd í öðrum einingum (stjórneiningum), þ.e. ekki í sambyggðri skjá- og stjórneiningu. Tæki sem ekki eru Black Box geta verið með skjáeiningum sem eru sambyggðar við stjórneiningar.
ACCU-FISH er tækni sem Furuno hefur þróað og nýtist frábærlega vel við að ákvarða stærð einstakra fiska í lóðningum. Einn af kostum ACCU-FISH tækninnar er að endurvörp af fiskum eru sjáanleg á dýptarmælinum úr meiri fjarlægð, jafnvel utan af dekki bátsins. Með ACCU-FISH tækninni hefur Furuno skapað sér forskot. Tæknin skilar ótrúlega nákvæmum upplýsingum um stærð einstakra fiska í lóðningum og greinir umsvifalaust hvort um er að ræða einn og einn fisk eða litlar eða stórar torfur. ACCU-FISH birtir fisktákn á skjánum og tölur um lengd fiskanna í sm eða á hve miklu dýpi þeir eru (valkvætt). Í ACCU-FISH tækninni er unnið samtímis með háar og lágar tíðnir og endurvörp af fiskum af öllum tegundum verða aðgreinanleg, skýr og skörp. Þannig auðveldar þessi tækni fiskimönnum að sjá hvort lóðar á þorsk, ýsu, ufsa o.s.frv. ACCU-FISH greinir stærðir fiska frá 10 sm til 199 sm langra, á dýpinu frá 2 til 100 metra.
BDS (Bottom discrimination), eða botngreiningartækni Furuno, vinnur og safnar upplýsingum um sjávarbotninn. Gerð sjávarbotnsins er skipt í fjóra flokka; “Grjót”, “Möl”, “Sandur” og “Leðja”. Allir sjómenn vita að við veiðiskapinn eru upplýsingar um gerð sjávarbotnsins afar mikilvægar. Þessar upplýsingar birtir BDS tæknin í dýptarmælum Furuno með fjölbreytilegum hætti, tölulegum, grafískum o.fl.
FDF (FURUNO Digital Filter) er tækni sem Furuno hefur þróað til að sía eða hreinsa út úr skjámyndinni óhreinindi og fölsk endurvörp. FDF tæknin ásamt Digital Auto Tuning, sem er sjálfvirk stafræn tíðnistilling, gera það að verkum að dýptarmælar Furuno geta á mjög skýran og greinilega hátt, greint einstaka fiska af ótrúlega mikilli nákvæmni.Vörulýsing
| Tíðni: | 50-200 kHz | Sendiorka: | 1 kW |
| Skjástærð: | BB | Drægi: | 5 til 1200m |
| Mótun: | CM | Geislafjöldi: | 1 |
| Spenna: | 12-24VDC | Straumtaka: | 1.1 – 0.4A |
| Ölduleiðrétting: | Nei | FDF: | Já |
| FFS: | Nei | NavNet: | Já |
| AccuFish: | Já | CHIRP: | Nei |
| BDS: | Já | DSP: | Nei |
PDF Skjöl
| Bæklingur | BBDS1 Bæklingur |
| Leiðarvísir | BBDS1 Leiðarvísir |