Furuno hefur tekið stórt framfaraskref í fiskileitartækni með TruEcho CHIRPtm og blöndun tíðna.
ACCU-FISHtm og botngreining á grunnsævi og djúpsævi
Með því að notast bæði við CHIRP botnstykki og venjulegt botnstykki (á aðeins við FCV-800) við dýptarmælinn, birtast CHIRP endurvörpin á skjánum á sama tíma og ACCU-FISHtm og botngreiningar eiginleikarnir eru virkir. Á skjánum sjást samtímis fiskendurvörp, mat á fiskistærð, dýpi á fisk og samsetning botnsins (botngreining). Vista má allt að þrjár fyrirfram valdar vinnslutíðnir.
|
Notenda handbók Smelltu á bókina til |
 |
|---|
Nýir og endurbættir eiginleikar í FCV-600 og FCV-800
- TrueEcho CHIRPtm – Vinnur á breiðu tíðnisviði breiðbands botnstykkis sem gefur skýrari merki og fiskendurvörp
- RezBoosttm merkjaúrvinnsla – Aukinn skýrleiki og aðgreining við notkun venjulegra botnstykkja (CW transducers (continuous wave))
- ACCU-FISHtm – Einstakur eiginleiki til að meta fiskistærð og dýpi á fisk
- Botngreining – Sýnir botngerð og samsetningu sjávarbotnsins sem fjórar botngerðir (grjót, möl, sandur, leðja)
- Útgangur fyrir botnhörku – Með Maxsea Time Zero Professional er upplýsingum um botnhörku safnað í gagnagrunn
- Nákvæmari litgreining endurvarpa – Þessi aðgerð aðgreinir fiskendurvörp betur frá botnendurvörpum
- Hvítlína – Aðgreinir betur botnlægan fisk frá botni með því að sýna hvíta línu við botnyfirborðið sem jafnframt sýnir lögun botnsins betur
- Styrkstilling fyrir liðinn tíma – Til að stilla mögnunina (Gain) fyrir endurvörp liðins tíma á skjánum
- Stillanlegar viðvaranir – Dýpi, fiskendurvörp, hraði, koma o.fl.
- TLL útgangur – Torfustaðsetning (Target Lat/Lon) sem gagnast við að merkja fiskislóðir með ýmsum upplýsingum, t.d. dýpi, sjávarhita, fiskistærð og botngerð í tengdum Furuno og TZ kortaleiðaritum
- Hraðir sendipúlsar – 3.000 sendipúlsar á mínútu
- Litatöflur – Þ.m.t. sólskins og gular litatöflur
- Þráðlaus tenging – Hægt er að hafa auka skjá tengdan þráðlaust, t.d. símaskjá eða ipad
ACCU-FISH er tækni sem Furuno hefur þróað og nýtist frábærlega vel við að ákvarða stærð einstakra fiska í lóðningum. Einn af kostum ACCU-FISH tækninnar er að endurvörp af fiskum eru sjáanleg á dýptarmælinum úr meiri fjarlægð, jafnvel utan af dekki bátsins. Með ACCU-FISH tækninni hefur Furuno skapað sér forskot. Tæknin skilar ótrúlega nákvæmum upplýsingum um stærð einstakra fiska í lóðningum og greinir umsvifalaust hvort um er að ræða einn og einn fisk eða litlar eða stórar torfur. ACCU-FISH birtir fisktákn á skjánum og tölur um lengd fiskanna í sm eða á hve miklu dýpi þeir eru (valkvætt). Í ACCU-FISH tækninni er unnið samtímis með háar og lágar tíðnir og endurvörp af fiskum af öllum tegundum verða aðgreinanleg, skýr og skörp. Þannig auðveldar þessi tækni fiskimönnum að sjá hvort lóðar á þorsk, ýsu, ufsa o.s.frv. ACCU-FISH greinir stærðir fiska frá 10 sm til 199 sm langra, á dýpinu frá 2 til 100 metra.
Hefðbundnir dýptarmælar, eða mælar sem ekki eru með CHIRP tækninni, vinna á einni eða tveimur senditíðnum og nema og birta á skjánum endurvörp sendigeisla á þeim tilteknu tíðnum. Tíðnisvið CHIRP dýptarmæla spannar mikla breidd, t.d. 30 til 70 kHz á lægra tíðnibandi og 175 til 225 kHz á hærra tíðnibandi. Með CHIRP tækninni þá verður aðgreiningargetan jafnframt óháð lengd sendipúlsins en í hefðbundum dýptarmælum er aðgreiningargetan milli tveggja endurvarpa mjög háð henni. Það er einmitt kostur sem DSP tækni Furuno nýtir við greiningu endurvarpa og þau birtast á skjánum á skarpari og skýrari hátt en áður. Aðgreiningargetan og nákvæmnin hefur stóraukist.
FDF (FURUNO Digital Filter) er tækni sem Furuno hefur þróað til að sía eða hreinsa út úr skjámyndinni óhreinindi og fölsk endurvörp. FDF tæknin ásamt Digital Auto Tuning, sem er sjálfvirk stafræn tíðnistilling, gera það að verkum að dýptarmælar Furuno geta á mjög skýran og greinilega hátt, greint einstaka fiska af ótrúlega mikilli nákvæmni.
BDS (Bottom discrimination), eða botngreiningartækni Furuno, vinnur og safnar upplýsingum um sjávarbotninn. Gerð sjávarbotnsins er skipt í fjóra flokka; “Grjót”, “Möl”, “Sandur” og “Leðja”. Allir sjómenn vita að við veiðiskapinn eru upplýsingar um gerð sjávarbotnsins afar mikilvægar. Þessar upplýsingar birtir BDS tæknin í dýptarmælum Furuno með fjölbreytilegum hætti, tölulegum, grafískum o.fl.Vörulýsing
| Tíðni: | 50-200 kHz | Sendiorka: | 300/600/1000 W |
| Skjástærð: | 5.7″ (FCV-600) 8.4″ (FCV-800) | Drægi: | 1200 m |
| Mótun: | CW/FM | Geislafjöldi: | 1 |
| Spenna: | 12-24VDC | Straumtaka: | 1.6 – 0.8 A |
| Ölduleiðrétting: | Nei | FDF: | Já |
| FFS: | Nei | NavNet: | Nei |
| AccuFish: | Já | CHIRP: | Já |
| BDS: | Já | DSP: | Nei |
PDF Skjöl
| Bæklingur | FCV-600/FCV-800 Bæklingur |
| Leiðarvísir | FCV-600/FCV-800 Leiðarvísir |