GP-1871F GPS/WAAS er nýr leiðariti frá Furuno með kortum og innbyggðum CHIRP dýptarmæli. Í GP-1871F er nýtt “margsnerti” (Multi-Touch) viðmót frá Furuno.
Þægilegar og snjallar fletti-valmyndir í margsnerti skjá. GP-1871F/1971F er með sams konar viðmóti og er í NavNet TZtouch2. Valmöguleikarnir eru í fletti valmyndum sem innihalda allar stjórnunar aðgerðir og gögn sem notandinn þarf á að halda.
Notendur hanna sínar eigin skjá framsetningar (Display Modes) sem henta hverjum og einum og mismunandi aðstæðum.
Með fingrunum, einum eða tveimur, þysja menn inn eða út, banka tvisvar með fingurgómi til að taka skjámynd eða til að breyta skjánum úr tveggja mynda skjá í eina heila skjámynd.
Innbyggður CHIRP dýptarmælir með óviðjafnanlega nákvæmu “TruEcho CHIRP™” sem skilar hámarks aðgreiningarhæfni við að greina fiskitorfur, þ.m.t. botnlægar torfur.
Mælirinn aðgreinir ólíkar fiskitegundir á mjög greinilegan hátt, jafnvel þegar þær liggja þétt saman.
Báða eftirtalda eiginleika frá Furuno er að finna í mælinum: ACCU-FISH™ og RezBoost™. Notandinn getur valið þau tákn og liti sem honum hentar í ACCU-FISH™, allt eftir stærð tegundarinnar og dýpi.
Innbyggði korta leiðaritinn er með innbyggðu GPS loftneti. Leiðaritinn notar hin óviðjafnanlega nákvæmu C-MAP 4D kort. Í þessum kortum er mikið magn upplýsinga, dýpislínur, straumar, flóð og fjara, siglingaáætlanir o.m.fl., allt til þess fallið að auka á öryggi sæfarenda.
Furuno sjálfstýringarnar, NAVpilot-300 og NAVpilot-711C, eru tengjanlegar við GP-1871F og GP-1971F og þeim má stjórna frá leiðaritanum.
Sækja má í leiðaritann C-MAP veðurupplýsingar á C-map.com, þ.m.t. upplýsingar um vind, ölduhæð, úrkomu, hitastig o.fl.
Þegar GP-1871F er tengdur við AIS móttakara, má birta á skjá tækisins AIS upplýsingar og tákn, þ.m.t. upplýsingar um skip.
Í GP-1871 eru margar skjáframsetningar í boði, þ.á.m. 3D og gervitunglaskjár.
Tækið er tengjanlegt við Furuno ratsjána DRS4W, fyrsta þráðlausa radarinn. Frábær viðbót fyrir GP-1871F ekki síst hvað varðar nákvæmni og öryggi í siglingum. DRS4W er 4 kW.
Auðvelt er að vista skjámyndir. Með því að banka tvisvar með fingurgómi í skjáinn má vista skjámyndina beint á minniskort tækisins (Micro SD card). Minniskortið er fjarlægjanlegt og má t.d. tengja við tölvu.
Skjár tækisins er með svokallaðri AR (Anti-Reflective) glerþekju sem dregur úr glampa (sólskinsglampavörn) og eykur gæði hans sem dagsbirtuskjás (1000 cd/m2), þ.m.t. skýrleika texta og annarra upplýsinga á skjánum.
ACCU-FISH er tækni sem Furuno hefur þróað og nýtist frábærlega vel við að ákvarða stærð einstakra fiska í lóðningum. Einn af kostum ACCU-FISH tækninnar er að endurvörp af fiskum eru sjáanleg á dýptarmælinum úr meiri fjarlægð, jafnvel utan af dekki bátsins. Með ACCU-FISH tækninni hefur Furuno skapað sér forskot. Tæknin skilar ótrúlega nákvæmum upplýsingum um stærð einstakra fiska í lóðningum og greinir umsvifalaust hvort um er að ræða einn og einn fisk eða litlar eða stórar torfur. ACCU-FISH birtir fisktákn á skjánum og tölur um lengd fiskanna í sm eða á hve miklu dýpi þeir eru (valkvætt). Í ACCU-FISH tækninni er unnið samtímis með háar og lágar tíðnir og endurvörp af fiskum af öllum tegundum verða aðgreinanleg, skýr og skörp. Þannig auðveldar þessi tækni fiskimönnum að sjá hvort lóðar á þorsk, ýsu, ufsa o.s.frv. ACCU-FISH greinir stærðir fiska frá 10 sm til 199 sm langra, á dýpinu frá 2 til 100 metra.
Hefðbundnir dýptarmælar, eða mælar sem ekki eru með CHIRP tækninni, vinna á einni eða tveimur senditíðnum og nema og birta á skjánum endurvörp sendigeisla á þeim tilteknu tíðnum. Tíðnisvið CHIRP dýptarmæla spannar mikla breidd, t.d. 30 til 70 kHz á lægra tíðnibandi og 175 til 225 kHz á hærra tíðnibandi. Með CHIRP tækninni þá verður aðgreiningargetan jafnframt óháð lengd sendipúlsins en í hefðbundum dýptarmælum er aðgreiningargetan milli tveggja endurvarpa mjög háð henni. Það er einmitt kostur sem DSP tækni Furuno nýtir við greiningu endurvarpa og þau birtast á skjánum á skarpari og skýrari hátt en áður. Aðgreiningargetan og nákvæmnin hefur stóraukist.
CHIRP er skammstöfun fyrir “Compressed High Intensity Radar Pulse”. Eins og nafnið gefur til kynna er CHIRP tæknin upprunnin úr radartækni, en um er að ræða tíðnimótaðan sendipúls.
BDS (Bottom discrimination), eða botngreiningartækni Furuno, vinnur og safnar upplýsingum um sjávarbotninn. Gerð sjávarbotnsins er skipt í fjóra flokka; “Grjót”, “Möl”, “Sandur” og “Leðja”. Allir sjómenn vita að við veiðiskapinn eru upplýsingar um gerð sjávarbotnsins afar mikilvægar. Þessar upplýsingar birtir BDS tæknin í dýptarmælum Furuno með fjölbreytilegum hætti, tölulegum, grafískum o.fl.
FDF (FURUNO Digital Filter) er tækni sem Furuno hefur þróað til að sía eða hreinsa út úr skjámyndinni óhreinindi og fölsk endurvörp. FDF tæknin ásamt Digital Auto Tuning, sem er sjálfvirk stafræn tíðnistilling, gera það að verkum að dýptarmælar Furuno geta á mjög skýran og greinilega hátt, greint einstaka fiska af ótrúlega mikilli nákvæmni.
Hin nýja DSP tækni Furuno (Digital Signal Processing – Stafræn úrvinnsla merkja) lagar stillingar dýptarmælisins að umhverfi og aðstæðum hverju sinni. Þetta á við um styrkstillingu (Gain), STC (Sensitive time control) og sendistyrk. Þá dregur DSP tæknin endurvarpið næst við kjölinn og botnstykkið (Main bang) saman eins og frekast er unnt. Auk þess verður dýptarmælis myndin skýrari og öll aðgreining betri. DSP tæknin lagar sjálfvirkt styrkstillinguna að stærð leitarsvæðisins (Search range). Þannig er púlslengdin gerð víðari/breiðari þegar fiskileitin á sér stað í dýpri sjó og móttökutíðnin gerð þrengri. Endurvörpin verða betri og skýrari á meira dýpi. Þetta kemur sér afar vel við að finna botnlægan fisk þar sem DSP tæknin aðgreinir “óhrein endurvörp” (Noise) af botninum sjálfum frá endurvörpum af fiski sem liggur mjög nærri botninum.
RezBoost tækni Furuno er árangur nýrrar tækni sem Furuno notar við stafræna úrvinnslu merkja til að ná fram frábærri aðgreiningu endurvarpa, án þess að skipta þurfi um botnstykki. Í RezBoost er notast við stafrænar aðferðir, sem Furuno hefur þróað og á, við úrvinnslu merkja og framsetningu þeirra á dýptarmælis skjánum í allt að 8 sinnum meiri skerpu en menn eiga að venjast í hefðbundnum dýptarmælum. Þetta gerist án þess að skipta þurfi um botnstykkið sem fyrir er (þ.e. venjulegt botnstykki með þröngt tíðnisvið) eða kaupa nýtt breiðbands botnstykki sem getur haft mikinn kostnað í för með sér.
RezBoost eykur aðgreiningargetu dýptarmælanna sem skilar skýrari og betur aðgreindum endurvörpum, lóðningum. Þessi aukna aðgreiningargeta skilar því einnig að nákvæmni ACCU-FISH tækninnar verður meiri, en hún kemur að afar miklum notum við að ákvarða stærð einstakra fiska í lóðningum. Einn af kostum ACCU-FISH tækninnar er að endurvörp af fiskum eru sjáanleg á dýptarmælinum úr meiri fjarlægð, jafnvel utan af dekki skipsins.