Furuno FSV-85

FSV-85 sónarinn er á heimsvísu mest seldi millitíðni sónarinn af stærri gerðinni. Háþróuð tækni Furuno við úrvinnslu sendigeisla og endurvarpa gefa nákvæmar og áreiðanlegar upplýsingar um fiskendurvörp og ástand botns. Til að gera stjórnun á sónarnum sem þægilegasta er hægt að vista í minni sónarsins allar helstu stillingar í sérstökum F-lyklum. Í mælinum eru fastar framsetningar (Modes) sem henta mismunandi aðstæðum m.t.t. veiðislóðar og fiskitegunda.
Sónarinn getur unnið með tvo skjái í einu. Þetta kemur sér mjög vel þegar bornar eru saman skjámyndir af mismunandi stillingum, t.d. láréttri framsetningu (Horizontal Mode) og lóðréttri framsetningu (Vertical Mode), samtímis á sitt hvorum skjánum.
Lárétt framsetning (H2 Mode) sýnir 360 gráðu mynd í kring um skipið. Í þessari framsetningu má velja á milli fjögurra skjáframsetninga: “LANDSCAPE”, “PORTRAIT”, “RIGHT INSET” og “LEFT INSET”. Skali, halli á sendi- og móttökugeisla (Tilt), mögnun og fleira er sjálfstætt stillt fyrir hverja skjáframsetningu.
Furuno notar nýjustu stafræna tækni með nýrri gerð botnstykkis, sem er með næmari augum (Elements) en eldri gerðir, til að auka langdrægi og um leið verður skjámyndin skýrari, lóðningar og endurvörp skarpari.
Skipstjórnandi getur sett læsingu (Target Lock) á valda torfu og sónarinn fylgir henni sjálfvirkt eftir svo hún hverfi ekki af skjánum. Skalinn og geislahallinn endurstillist sjálfkrafa í samræmi við staðsetningu torfunnar.
Súlurit á skjánum sýnir á grafískan átt hvernig styrkur endurvarpa dreifist í torfu og segir þannig til um þéttleika torfunnar. Þetta er gert með því að merkja torfuna með þar til gerðri aðgerð „Estimation Mark“ í láréttu- og dýptarmælis skjámyndinni.
Í FSV-85 sónarnum er sérstök stafræn tækni (Digital Filter) til að sía burt truflanir með endurvörpum og lóðningum (Interfering Noise), sem gefur hreina og skýra skjámynd á mikilli siglingu, allt að 18 hnútum.
Stöðugleikavinnslan (Beam Stabilization) í sónarnum heldur sendigeislanum í réttum halla þannig að endurvörp haldast stöðug, óháð dýfum og veltu. Skjámyndin verður óaðfinnanleg, jafnvel í verstu veðrum.
Vista má einstakar skjámyndir sem sýna lóðningar og GPS upplýsingar. Þær hægt er að skoða hvenær sem er.
Notendavænt viðmót sónarsins gerir auðvelt að kalla fram fastar stillingar sem henta mismunandi aðstæðum, veiðislóð og fiskitegundum. Tíu slíkar fastar stillingar eru í boði, með eða án láréttra eða lóðréttra skjáframsetninga. Í sérstaka F-lykla (Function Keys) sem eru á stjórnborðinu má vista allt að 10 aðgerðir (Functions) sem hentar hverjum og einum notanda að hafa þar. Þannig er mjög einfalt að kalla fram algengustu aðgerðirnar.


Tækni sem notar hljóð, dreifingu þess frá hljóðgjafa og endurvarp, til siglinga, til að vera í samskiptum við eða finna fyrirbæri undir eða á yfirborði sjávar, er nefnd SONAR. SONAR er ensk stytting á SOund Navigation And Ranging.

Dýptarmælar (Echo sounders) og straummælar (Current indicators) eru skv. þessari skilgreiningu sónartæki, rétt eins og geislasónarar og hringsónarar.


Vörulýsing

Tíðni: 80 kHz Skjástærð: BB
Hringsónar: Drægi: 2.000 m
Geislasónar: Nei Sendigeisli: 10.7°
Tilt: -5° til 90° Ölduleiðrétting:
CHIRP: Nei

PDF Skjöl

Bæklingur FSV-85 Bæklingur
Leiðarvísir FSV-85 Leiðarvísir